మారుతి డైరెక్షన్‌లో ప్రబాస్ నటిస్తున్న చిత్రం ‘రాజాసాబ్’. హారర్ కామెడీ నేపథ్యంలో ఈ సినిమా రూపొందుతోందని తెలిసిందే.

ఇంతవరకూ ప్రబాస్‌కి సంబంధించి మూడు పోస్టర్లు రిలీజ్ చేశారు ఈ సినిమా నుంచి. అయితే, ప్రబాస్ పుట్టినరోజు సందర్భంగా మరో పోస్టర్ కూడా రిలీజ్ చేశారు.

ఇంతవరకూ రొమాంటిక్ యంగ్ రెబల్ స్టార్‌ని మాత్రమే డిఫరెంట్ స్టిల్స్‌లో చూపించిన మేకర్లు, ఈ సారి ఓల్డ్ ఏజ్డ్ ప్రబాస్‌ స్టిల్‌ని చూపించారు.

సింహాల సింహాసనంపై రౌద్రంగా కూర్చొన్న ప్రబాస్. మెరిసిన జుట్టు, నోటిలో చుట్ట, కాళ్లకు, చేతులకు కడియాలు, ఉంగరాలు.. కాలు మీద కాలేసుకుని రాజసంగా కూర్చున్న స్టిల్ ఇది. ప్రబాస్ లుక్స్ అదిరిపోతున్నాయ్ ఈ స్టిల్‌లో.

ఇలా ఇప్పటికి నాలుగు స్టిల్స్ రిలీజ్ అయ్యాయ్ ‘రాజా సాబ్’ నుంచి చివరిగా వచ్చిన లుక్‌తో ప్రబాస్ ఈ సినిమాలో డ్యూయల్ రోల్ పోషిస్తున్నాడన్న సంగతి అర్ధమైంది.

శరవేగంగా షూటింగ్ జరుపుకుంటున్న ఈ సినిమా వచ్చే ఏడాది ఏప్రిల్‌లో ప్రేక్షకుల ముందుకు రానుంది. మాళవిక మోహనన్, నిధి అగర్వాల్ రిథి కుమార్ ఈ సినిమాలో హీరోయిన్లుగా నటిస్తున్నారు.

The KING…as usual on a RECORD BREAKING SPREE 😎🤙🏻https://t.co/S29PLlO7nh#Prabhas #TheRajaSaab pic.twitter.com/48XiwZcWFO

— The RajaSaab (@rajasaabmovie) October 24, 2024