కువైట్: దేశంలోని వివిధ గవర్నరేట్‌లలో కువైట్ ఫైర్ ఫోర్స్ తనిఖీలు చేపట్టింది.ఈ సందర్భంగా ఫైర్ సేఫ్టీలో విఫలమైన 41 దుకాణాలపై చర్యలు తీసుకున్నారు. ఆయా దుకాణాలను మూసివేయాలని ఆదేశాలు జారీ చేసింది. వారు అగ్నిమాపక లైసెన్సులు పొందడంలో విఫలమయ్యారని, భద్రత మరియు అగ్ని ప్రమాద నివారణ నిబంధనలు పాటించడంలో విఫలమయ్యారని పేర్కొన్నారు. భద్రతా అవసరాలపై వైఫల్యం గురించి ముందుగా హెచ్చరించినా దుకాణదారులు దిద్దుబాటు చర్యలు తీసుకోలేదని అధికారులు తెలిపారు.