యూఏఈ: దుబాయ్‌లో ఫిట్‌నెస్ ఈవెంట్‌లలో ఒకటిగా దుబాయ్ రన్ 2024 గుర్తింపు పొందింది. దుబాయ్ ఫిట్‌నెస్ ఛాలెంజ్ (DFC)  గ్రాండ్ ఫినాలేగా నవంబర్ 24న దీనిని నిర్వహిస్తున్నారు. 

ఏ మార్గాలు అందుబాటులో ఉన్నాయి?
ప్రారంభకులకు, కుటుంబాలకు 5 కి.మీ పరుగు, అనుభవజ్ఞులైన రన్నర్లకు 10 కి.మీ. విభాగాలు ఉన్నాయి. 5 కి.మీ మార్గం దుబాయ్ మాల్ సమీపంలోని షేక్ మొహమ్మద్ బిన్ రషీద్ బౌలేవార్డ్ వద్ద మొదలై, మ్యూజియం ఆఫ్ ది ఫ్యూచర్‌కు దగ్గరగా ఉన్న షేక్ జాయెద్ రోడ్‌లో ముగుస్తుంది. 10km మార్గం షేక్ జాయెద్ రోడ్‌లోని మ్యూజియం ఆఫ్ ది ఫ్యూచర్ దగ్గర ప్రారంభమవుతుంది. ఎమిరేట్స్ టవర్స్ సమీపంలోని DIFC గేట్ బిల్డింగ్ వద్ద ముగుస్తుంది.

రిజిస్ట్రేషన్లు ప్రారంభం
ఈవెంట్ ఉచితం అయినప్పటికీ, పాల్గొనే వారందరికీ రిజిస్ట్రేషన్ తప్పనిసరి. dubairun.com లో నమోదు చేసుకోవాలి. మీరు సైన్ అప్ చేసిన తర్వాత, Instagramలో @dubaifitnesschallengeని అనుసరించడం ద్వారా అన్ని ముఖ్యమైన ఈవెంట్ వివరాలను తెలుసుకోవచ్చు. అయితే 13 నుండి 21 సంవత్సరాల వయస్సు గల వారు తల్లిదండ్రుల అనుమతితో తమను తాము నమోదు చేసుకోవాలి. పాల్గొనేవారు నవంబర్ 11- నవంబర్ 23 మధ్య దుబాయ్ మునిసిపాలిటీ జబీల్ పార్క్ 30x30 ఫిట్‌నెస్ విలేజ్ నుండి తమ టీ-షర్టులు, బిబ్‌లను తీసుకోవాలని సూచించారు.

పార్కింగ్, మెట్రో యాక్సెస్
దుబాయ్ రన్ రోజున రన్నర్‌లకు వసతి కల్పించేందుకు దుబాయ్ మెట్రో ముందుగానే సర్వీసులను ప్రారంభిస్తుంది.  5 కి.మీ మార్గంలో పాల్గొనేవారు దుబాయ్ మాల్‌లో పార్క్ చేసి, మెట్రోను వరల్డ్ ట్రేడ్ సెంటర్ స్టేషన్‌కు తీసుకెళ్లవచ్చు. 10km మార్గంలో ఉన్న వారికి, దుబాయ్ వరల్డ్ ట్రేడ్ సెంటర్‌లో పార్కింగ్ అందుబాటులో ఉంది. మెట్రో ద్వారా ఎమిరేట్స్ టవర్స్ స్టేషన్‌కు యాక్సెస్ ఉంటుంది.