ప్రధాని నరేంద్రమోడీ తాష్కెంట్ పర్యటనలో భాగంగా తజకిస్థాన్, బెలారస్ దేశాధినేతలను కలిశారు. ప్రధాని మోడీ తజకిస్థాన్ అధ్యక్షుడు ఎమొమలీ రెహమాన్, బెలారస్ అధ్యక్షుడు అలెగ్జాండర్ లుకాశెంకోతో వేర్వేరుగా సమావేశమయ్యారు. అలెగ్జాండర్ తో భారత్, బెలారస్ ల మధ్య 25 ఏళ్లుగా కొనసాగుతున్న దౌత్య సంబంధాలు, ద్వైపాక్షిక ఒప్పందాల అంశంపై చర్చించారు. అనంతరం ఎమొమలీ రెహమాన్‌తో సమావేశమై తజకిస్థాన్, భారత్‌ల మధ్య సత్సంబంధాలు, శాంతి భద్రతల అంశంలో పరస్పర సహకారం, ఇతర కీలక అంశాలపై చర్చించారు.