కువైట్: జాబర్ కల్చరల్ సెంటర్‌లోని కువైట్ నేషనల్ థియేటర్ లో ప్రముఖ వయోలిన్ విద్వాంసుడు పద్మవిభూషణ్ డా. ఎల్.సుబ్రహ్మణ్యం అద్భుత ప్రదర్శన చేశారు. భారత కువైట్ రాయబార కార్యాలయం ఆధ్వర్యంలో ఇండియన్ బిజినెస్ & ప్రొఫెషనల్ కౌన్సిల్ (IBPC) నిర్వహించిన ఈ కార్యక్రమంలో దౌత్యవేత్తలు, ప్రముఖ కువైట్ ప్రముఖులు, ఇండియన్ బిజినెస్ & ప్రొఫెషనల్ కౌన్సిల్ సభ్యులు పాల్గొన్నారు. ఈ కార్యక్రమాన్ని భారత రాయబారి హెచ్‌ఈ డాక్టర్ ఆదర్శ్ స్వైక ప్రారంభించారు. భారతీయ వయోలిన్ దిగ్గజంగా గుర్తింపు పొందిన  డా. సుబ్రమణ్యం తన అసమానమైన కళాత్మకతను ప్రదర్శించి ఆకట్టుకున్నారు.  కువైట్ లో భారతీయ సంస్కృతిని ప్రోత్సహించడానికి ఇంత అద్భుతమైన కార్యక్రమాన్ని నిర్వహించినందుకు IBPC కి అంబాసిడర్ డాక్టర్ ఆదర్శ్ స్వైకా ధన్యవాదాలు తెలిపారు.