దోహా: ఖతార్‌లోని అంతర్గత వ్యవహారాల మంత్రిత్వ శాఖ (MoI).. యూఎస్ సమన్వయంతో డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ, యూఎస్ కస్టమ్స్ మరియు బోర్డర్ ప్రొటెక్షన్, ఎలక్ట్రానిక్ సిస్టమ్ ఫర్ ట్రావెల్ ఆథరైజేషన్ (ESTA)ని నవంబర్ 22నుండి ప్రారంభం కానుంది. ఈ సిస్టమ్ వీసా మినహాయింపు కార్యక్రమం (VWP) కింద యునైటెడ్ స్టేట్స్‌కు వెళ్లేందుకు ఖతారీ పౌరులను అనుమతిస్తుంది. యూఎస్ ను సందర్శించడానికి వీసా లేకుండ 90 రోజుల వరకు ఉండేందుకు అనుమతియ్యానున్నారు. ఈ మేరకు సోషల్ మీడియాలో ఒక ప్రకటనలో మంత్రిత్వ శాఖ ప్రకటించింది. " ఖతార్ పౌరులు అధికారిక ESTA వెబ్‌సైట్ ద్వారా లేదా మొబైల్ అప్లికేషన్‌ల ద్వారా ప్రయాణ అనుమతి కోసం దరఖాస్తు చేసుకోవచ్చు. ప్రయాణ తేదీకి కనీసం 72 గంటల ముందు అవసరమైన ఫారమ్ పూర్తి చేయాలి. వీసా మినహాయింపు ప్రోగ్రామ్ కింద అవసరమైన ప్రయాణ, గుర్తింపు పత్రాలను సమర్పించాలి.’’ అని వెల్లడించింది.