యూఏఈ: యూఏఈ జాతీయ దినోత్సవ వేడుకల సందర్భంగా దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA) బస్సు రూట్లలో మార్పులు ప్రకటించింది. నవంబర్ 29 నుండి డిసెంబర్ 3 వరకు దుబాయ్ - అబుదాబిల మధ్య బస్సు మార్గాలలో తాత్కాలిక మార్పులను చేయనున్నారు.

E100 మార్గం అల్ ఘుబైబా బస్ స్టేషన్ నుండి అబుదాబికి వెళ్లే ఇబ్న్ బటుటా బస్ స్టేషన్‌కు మళ్లించబడుతుంది.

E102 మార్గం ఇబ్న్ బటుటా బస్ స్టేషన్ నుండి అబుదాబిలోని ముస్సఫా షాబియా బస్ స్టేషన్ వరకు నడుస్తుంది.

ఈ నెల ప్రారంభంలో దుబాయ్ - అబుదాబిల మధ్య కొత్త టాక్సీ-షేరింగ్ పైలట్ సర్వీస్‌ను ఆర్టీఏ ప్రారంభించింది. ఇది ప్రయాణీకులకు ప్రయాణ ఖర్చులలో 75% వరకు ఆదా చేయడంలో సహాయపడుతుంది.

సత్వా బస్ స్టేషన్‌ను గ్లోబల్ విలేజ్‌కు నేరుగా నడిచే రూట్ 108తో సహా నవంబర్ 29, నుండి దుబాయ్ మూడు కొత్త బస్ రూట్‌లను ప్రారంభించారు.  రూట్ 108 శుక్ర, శని, ఆదివారాలతోపాటు ప్రభుత్వ సెలవులు, ప్రత్యేక కార్యక్రమాల సమయంలో సేవలు అందిస్తుంది. మధ్యాహ్నం 2 గంటల నుండి మరుసటి రోజు తెల్లవారుజామున 1 గంటల వరకు సేవలు అందుబాటులో ఉంటాయి. ప్రతి 60 నిమిషాల ఫ్రీక్వెన్సీతో బస్సులు అందుబాటులో ఉంటాయి. దీంతోపాటు మరో రెండు కొత్త మార్గాలు రూట్ F63 మరియు రూట్ J05 ప్రయాణికులకు అందుబాటులోకి వచ్చాయి.