రియాద్:  చైనా, రష్యా నుండి సల్ఫోనేటెడ్ నాఫ్తలీన్ ఫార్మాల్డిహైడ్ (SNF) దిగుమతులపై ఖచ్చితమైన డంపింగ్ నిరోధక చర్యలను విధించాలని నిర్ణయం తీసుకున్నట్టు వాణిజ్య మంత్రి మరియు జనరల్ అథారిటీ ఆఫ్ ఫారిన్ ట్రేడ్ (GAFT) ఛైర్మన్ మజేద్ అల్-కసాబీ  తెలిపారు. ఈ మేరకు ఉమ్ అల్-ఖురా గెజిట్‌లో ప్రచురించారు. డిసెంబరు నుండి ఐదేళ్లపాటు ఉత్పత్తిపై చర్యలు వర్తించబడతాయని పేర్కొన్నారు.  సంబంధిత ఉత్పత్తిపై 18.12 శాతం నుండి 34 శాతం పరిధిలో యాంటీ డంపింగ్ సుంకాన్ని విధించి, వసూలు చేయాలని జకాత్, పన్ను మరియు కస్టమ్స్ అథారిటీకి ఆదేశాలు జారీ చేశారు.   దేశీయ పరిశ్రమను రక్షించే లక్ష్యంతో అంతర్జాతీయ వాణిజ్యంలో ట్రేడ్ రెమెడీస్ చట్టం ఆధారంగా ఈ నిర్ణయం తీసుకున్నట్లు GAFT తెలిపింది.