కువైట్: కువైట్ జనవరి చివరిలో ప్రారంభమయ్యే 70-రోజుల షాపింగ్ ఫెస్టివల్ "యా హలా"ని నిర్వహించనుంది. దేశవ్యాప్తంగా పర్యాటకం, వినోదాన్ని ప్రోత్సహిస్తూ ఆర్థిక కార్యకలాపాలను పెంపొందించడం ఈ ఫెస్టివల్ లక్ష్యం. జాతీయ వేడుకలతో సమానంగా, "యా హలా" సాంస్కృతిక, వినోద కేంద్రాలతోపాటు  చిన్న మరియు మధ్య తరహా పరిశ్రమలతో సహా స్థానిక వ్యాపారాలకు మెరుగైన అవకాశాలను అందిస్తుందని అధికారులు తెలిపారు.

ముఖ్యంగా పర్యాటకం, రెస్టారెంట్లు, సహకార సంఘాలు, వినోద వేదికలు, రిటైల్ దుకాణాలు, విమానయానం, హోటళ్లు  మరిన్ని వంటి వివిధ రంగాలను ఈ పండుగ ప్రోత్సహిస్తుందన్నారు. షాప్‌లు, కంపెనీలు, అసోసియేషన్‌లు, మార్కెట్‌లు అందించే అనేక ప్రమోషన్‌లు, డిస్కౌంట్‌లు అందజేయనున్నారు. వీక్లీ లాటరీలు, నగదు బహుమతులు, ఇతర బహుమతులు ఈవెంట్‌కు మరింత ఉత్సాహాన్ని అందజేస్తాయని వివరించారు.