యూఏఈ: దుబాయ్ ప్రభుత్వ రంగ ఉద్యోగులకు జనవరి 1న సెలవు దినంగా ప్రకటించారు. ఈ మేరకు మానవ వనరుల శాఖ ఒక ప్రకటన విడుదల చేసింది. జనవరి 2న ప్రభుత్వ కార్యాలయాలు పునఃప్రారంభమవుతాయి. అయితే, షిఫ్ట్ సిస్టమ్‌లో పనిచేసే ఉద్యోగులు లేదా ప్రజలకు సేవ చేయడం లేదా పబ్లిక్ సర్వీస్ సౌకర్యాలను నిర్వహించడం వంటి ఉద్యోగాలను కలిగి ఉన్న సంస్థలు, విభాగాలు మరియు సంస్థలకు మినహాయింపు ఇచ్చారు. అజ్మాన్, షార్జా లు కూడా తమ ప్రభుత్వ ఉద్యోగులకు జనవరి 1న నూతన సంవత్సర సెలవును ప్రకటించాయి.

అంతకుముందు, ఫెడరల్ అథారిటీ ఫర్ గవర్నమెంట్ హ్యూమన్ రిసోర్సెస్ కూడా జనవరి 1న దేశంలోని ప్రభుత్వ ఉద్యోగులతో పాటు ప్రైవేట్ రంగ ఉద్యోగులకు పబ్లిక్ హాలిడేగా డిక్లేర్ చేశారు. యూఏఈ క్యాబినెట్ జారీ చేసిన తీర్మానం ప్రకారం.. నివాసితులు 2025లో 13 రోజుల వరకు ప్రభుత్వ సెలవులను పొందనున్నారు.