మనామా: బహ్రెయిన్ జాతీయ ఫుట్‌బాల్ జట్టుకు మద్దతుగా జనవరి 5న సెలవు దినంగా ప్రకటించారు. ఈ మేరకు రాయల్ హైనెస్ క్రౌన్ ప్రిన్స్, ప్రధాన మంత్రి సల్మాన్ బిన్ హమద్ అల్ ఖలీఫా ఉత్తర్వులు జారీ చేశారు. ఆరోజున మంత్రిత్వ శాఖలు, ప్రభుత్వ విభాగాలు, సంస్థలు పనిచేయవని తెలిపారు.కువైట్‌లో జరిగే అరేబియా గల్ఫ్ కప్‌లో ఒమన్‌తో తలపడుతున్న బహ్రెయిన్ జాతీయ జట్టుకు మద్దతుగా హిజ్ మెజెస్టి కింగ్ హమద్ బిన్ ఇసా అల్ ఖలీఫా ఆదేశాలకు అనుగుణంగా ఈ నిర్ణయం తీసుకున్నట్లు తెలిపారు. ఫుట్ బాల్ అభిమానులు ఫైనల్ మ్యాచ్‌ను ఆస్వాదించాలని సూచించింది.