యూఏఈ: దుబాయ్‌లో ఇటీవల వర్షంలో ప్రమాదకరమైన విన్యాసాలు చేసిన డ్రైవర్ ను అదుపులోకి తీసుకున్నట్లు  పోలీసులు తెలిపారు. గస్తీ బృందాలు వెంటనే అతడిని గుర్తించి వాహనాన్ని స్వాధీనం చేసుకున్నట్లు పేర్కొన్నారు. దీనికి సంబంధించిన వీడియోను దుబాయ్ పోలీసులు షేర్ చేశారు. ప్రతికూల వాతావరణ పరిస్థితుల్లో ప్రజలు జాగ్రత్తగా ఉండాలని, ట్రాఫిక్ చట్టాలను పాటించాలని పదేపదే హెచ్చరించినప్పటికీ ఈ సంఘటన జరిగిందని దుబాయ్ పోలీసులు తెలిపారు.

దుబాయ్ పోలీసుల పెట్రోలింగ్ బృందం వెంటనే వాహనాన్ని వెంబడించి డ్రైవర్‌కు Dh50,000 జరిమానా విధించిందని దుబాయ్ పోలీస్‌ అసిస్టెంట్ కమాండర్-ఇన్-చీఫ్ మేజర్-జనరల్ సైఫ్ ముహైర్ అల్ మజ్రూయి అన్నారు. డ్రైవర్లందరూ భద్రతకు ప్రాధాన్యత ఇవ్వాలని, వేగ పరిమితులకు కట్టుబడి ఉండాలని, ప్రాణాలను ప్రమాదంలో పడేసే చర్యలను నివారించాలని ఆయన కోరారు.