యూఏఈ: నిర్లక్ష్యంగా డ్రైవింగ్ చేసే వారికి అబుదాబి పోలీసులు హెచ్చరించారు. ఈ మేరకు పలు ప్రమాదాలకు సంబంధించిన షాకింగ్ వీడియోలను షేర్ చేసింది. ఇందులో పరధ్యానంగా డ్రైవింగ్ చేయడం వల్ల కలిగే ప్రమాదాలను హైలైట్ చేశారు. అనేక క్లిప్‌లు పరధ్యానంగా డ్రైవింగ్ చేయడం వల్ల సంభవించే పెద్ద ట్రాఫిక్ ప్రమాదాలను చూపాయి.

మొదటి వీడియోలో.. ఒక సెలూన్ కారు.. రోడ్డుపై స్లోగా వెళుతున్న 4-వీల్ వెహికల్ ను ఢీకొట్టింది. దాంతో ట్రాఫిక్ స్తంభించింది.  దీని వలన పలు కార్లు ఢీకొట్టుకున్నాయి. 4-వీల్ వాహనం పల్టీలు కొట్టింది. మరొక సందర్భంలో.. ఒక కారు మినీవ్యాన్‌ను ఢీకొట్టింది. అది రోడ్డు పక్కన ఉన్న డివైడర్ ను ఢీకొట్టింది. మరొక సంఘటనలో 4-వీల్ వెహికల్ అదుపు తప్పి దూసుకెళ్లింది.  పరధ్యానంతో డ్రైవింగ్ చేయడం వాహనదారుల జీవితాలకు ఎలా ప్రమాదం కలిగిస్తుందో వివరించడానికి ఒక పోలీసు అధికారి స్క్రీన్‌పై హెచ్చరికలు జారీ చేశాడు." డ్రైవింగ్ చేసేటప్పుడు జాగ్రత్తంగా ఉండాలని, సెల్ ఫోన్ డ్రైవింగ్ ను నివారించాలని వాహనదారులను కోరారు.