రియాద్: గాజాలో కాల్పుల విరమణ ఒప్పందాన్ని సౌదీ అరేబియా స్వాగతించింది. ఒప్పందాన్ని సులభతరం చేయడంలో ఖతార్, ఈజిప్ట్, యునైటెడ్ స్టేట్స్ చేసిన కృషిని ప్రశంసించారు. ఈ మేరకు సౌదీ విదేశాంగ మంత్రిత్వ శాఖ ఒక ప్రకటన విడుదల చేసింది. గాజాలో ఇజ్రాయెల్ దురాక్రమణకు ముగింపు పలకాలని, గాజా స్ట్రిప్ తోసహా అన్ని పాలస్తీనా, అరబ్ భూభాగాల నుండి ఇజ్రాయెల్ తమ దళాలను పూర్తిగా ఉపసంహరించుకోవాలని సౌదీ అరేబియా డిమాండ్ చేసింది. పాలస్తీనా ప్రజల హక్కులకు, ప్రత్యేకించి తూర్పు జెరూసలేం రాజధానిగా ఉన్న 1967 సరిహద్దుల వెంబడి స్వతంత్ర రాజ్యాన్ని స్థాపించే వారి హక్కుకు ఇది మద్దతుగా నిలుస్తుందని పేర్కొంది.  ఇజ్రాయెల్ దాడుల్లో ఇప్పటివరకు 45వేలమందికి పైగా మరణించగా, 100,000 మందికి పైగా గాయపడ్డారని తెలిపింది.