ఐపీఎల్​ కంటే ముందే క్రికెట్​ లవర్స్​కు వినోదం పంచేందుకు డబ్ల్యూపీఎల్ (Women's Premier League) సిద్ధం కానుంది. 2025 మహిళల ప్రీమియర్ లీగ్​కు సంబంధించిన షెడ్యూల్ రిలీజైంది. ఫిబ్రవరి 14న ఈ టోర్నీ ప్రారంభం కానుంది. మార్చి 15న ఫైనల్ మ్యాచ్ జరగనుంది. ఓపెనింగ్ మ్యాచ్​లో డిఫెండింగ్ ఛాంపియన్​ రాయల్ ఛాలెంజర్స్ బెంగళూరు, గుజరాత్​తో ఢీ కొట్టనుంది.

ఈ టోర్నీకి నాలుగు నగరాలు వేదిక కానున్నాయి. ముంబయి, బెంగళూరు, వడోదర, లఖ్​నవూ స్టేడియాల్లో మొత్తం 22 మ్యాచ్​లు జరగనున్నాయి. అత్యధికంగా బెంగళూరు 8 మ్యాచ్​లకు ఆతిథ్యం ఇవ్వనుంది. ఇక ఫైనల్ మ్యాచ్​కు ముంబయి వేదిక కానుంది. అన్ని మ్యాచ్​లు రాత్రి 7.30 గంటలకు ప్రారంభం అవుతాయి.

కాగా, ఫిబ్రవరి 14న మ్యాచ్ ప్రారంభానికి ముందు ఓపెనింగ్ సెర్మనీ జరగనుంది. ఈ ఈవెంట్​ను గ్రాండ్​గా నిర్వహించేందుకు ప్లాన్ చేస్తున్నారు. బాలీవుడ్​కు సంబంధించిన సెలబ్రిటీలు ఓపెనింగ్ సెర్మనీలో పాల్గొని సందడి చేయనున్నారు. టైటిల్ కోసం మొత్తం 5 జట్లు టోర్నమెంట్​లో పోటీపడనున్నాయి.