మస్కట్: ఒమన్ ఎయిర్‌పోర్ట్స్ కంపెనీ మస్కట్ ఇంటర్నేషనల్ ఎయిర్‌పోర్ట్‌లో కొత్త పెట్టుబడి అవకాశాన్ని ప్రకటించింది. బిజినెస్ డిస్ట్రిక్ట్‌లో భూమి అభివృద్ధి కోసం ఫ్లోటింగ్ రిక్వెస్ట్ ఫర్ ప్రపోజల్ (RFP) కోసం బిడ్‌లను ఆహ్వానిస్తోంది.  అభివృద్ధి చెందుతున్న విమానాశ్రయ నగరంలో మౌలిక సదుపాయాలను పెంపొందించడానికి, పెట్టుబడులను ప్రోత్సహించడానికి ఒమన్ ఎయిర్‌పోర్ట్స్ కొనసాగుతున్న ప్రయత్నాలలో భాగంగా ప్రకటించారు. RFP మార్గదర్శకాల ప్రకారం.. అన్ని పాల్గొనే కంపెనీలు, రియల్ ఎస్టేట్ డెవలపర్‌లు 180 రోజుల వరకు చెల్లుబాటు అయ్యే స్థానికంగా రిజిస్టర్డ్ బ్యాంక్ జారీ చేసిన బ్యాంక్ గ్యారెంటీని సమర్పించాలి. ఆసక్తిగల కంపెనీలు ముందుగా తమ ప్రొఫైల్‌లను ఒమన్ ఎయిర్‌పోర్ట్స్ వెండర్ మేనేజ్‌మెంట్ పోర్టల్‌లో నమోదు చేసుకోవాలి. ఒమన్ ఎయిర్‌పోర్ట్స్ పోర్టల్ (https://apps.omanairports.com/ePortal) ద్వారా మాత్రమే బిడ్డింగ్ పేపర్స్ ను కొనుగోలు చేయాలి.