మస్కట్: గ్రీన్ ఇన్స్‌లో పెట్టుబడులు పెట్టడానికి ఆసక్తి ఉన్న పౌరులకు గ్రీన్ ఇన్‌లు ఆదాయ వనరులను అందిస్తాయి. గ్రీన్ ఇన్‌లు స్థిరమైన పర్యాటక అభివృద్ధికి సమగ్ర విధానాన్ని సూచిస్తాయి. గ్రామీణ పర్యావరణ-పర్యాటక డెవలప్ మెంట్ లో కీలక భూమిక వహిస్తాయి. 2024 చివరి నాటికి ఒమన్ సుల్తానేట్‌లో లైసెన్స్ పొందిన గ్రీన్ ఇన్‌ల సంఖ్య 153కి చేరుకుందని హెరిటేజ్ అండ్ టూరిజం మంత్రిత్వ శాఖ (MHT) పేర్కొంది. దక్షిణ అల్ బతినా అత్యధిక పరంగా మొదటి స్థానంలో ఉండగా, ఆ తర్వాత అల్ దహిరా నిలిచింది.

మినిస్ట్రీ ఆఫ్ హెరిటేజ్ అండ్ టూరిజంలో ఇన్వెస్టర్ సర్వీసెస్ డిపార్ట్‌మెంట్ డైరెక్టర్ అహ్మద్ బిన్ ఖామిస్ అల్ సాదీ మాట్లాడుతూ.. “గ్రీన్ ఇన్‌లు పర్యాటకులు, పెట్టుబడిదారులతో బాగా ప్రాచుర్యం పొందాయి. వారు అందించే ప్రత్యేకమైన పర్యాటక అనుభవాలను బట్టి వ్యక్తులు, కుటుంబాలకు వసతి,విశ్రాంతి కోసం ఇవి సరైన ఎంపిక. వీటితోపాటు ఈ రంగంలో పెట్టుబడి పెట్టాలనుకునే పౌరులకు ఇవి ఆదాయ వనరుగా ఉపయోగపడతాయి.’’ అని పేర్కొన్నారు. ఐదేళ్ల లైసెన్స్‌కు OMR250 రుసుముతో, ఇతర హాస్పిటాలిటీ కార్యకలాపాలతో పోలిస్తే గ్రీన్ ఇన్‌లకు లైసెన్సింగ్ ఫీజులు తక్కువగా ఉన్నాయని మంత్రిత్వ శాఖ నిర్ధారించిందని అల్ సాదీ పేర్కొన్నారు.