యూఏఈ: దుబాయ్ ల్యాండ్ డిపార్ట్‌మెంట్ (DLD).. పెట్టుబడిదారులు , తుది వినియోగదారుల నుండి డిమాండ్ పెరిగిన నేపథ్యంలో రెండు కీలక ప్రాంతాలలో ఫ్రీహోల్డ్ యాజమాన్యాన్ని అనుమతించిన తర్వాత షేక్ జాయెద్ రోడ్ (SZR),  అల్ జద్దాఫ్ ప్రాంతంలో ఆస్తి ధరలు పెరిగే అవకాశం ఉంది.  నగరంలో అధిక డిమాండ్ కారణంగా నాణ్యమైన ఆఫీస్ స్పేస్ సరఫరా కొరత కారణంగా ప్రారంభ దశలో కమర్షియల్ ప్రాపర్టీ మరింత లాభపడుతుందని సూచించారు. ట్రేడ్ సెంటర్ రౌండ్‌అబౌట్ నుండి షేక్ జాయెద్ రోడ్, అల్ జద్దాఫ్ ప్రాంతంలో వాటర్ కెనాల్ వరకు ఉన్న అన్ని ప్రైవేట్ ప్రాపర్టీ ఓన్స్ ఇప్పుడు తమ యాజమాన్య స్థితిని ఫ్రీహోల్డ్‌గా మార్చుకోవచ్చని DLD ప్రకటించింది. మొత్తం 457 ప్లాట్లు, షేక్ జాయెద్ రోడ్డు వెంబడి ఉన్న 128, అల్ జద్దాఫ్‌లోని 329 ప్లాట్‌లు ఫ్రీహోల్డ్‌గా మార్చడానికి అర్హులు. ఆస్తి విలువలో 30 శాతం మార్పిడి రుసుము (స్థూల విస్తీర్ణం ఆధారంగా) వర్తిస్తుంది.

చెల్లింపు ప్రాసెస్ అయిన ర్వాత, ఆస్తికి సంబంధించిన మ్యాప్, ఫ్రీహోల్డ్ యాజమాన్య టైటిల్ డీడ్ జారీ చేయబడుతుందని స్ప్రింగ్‌ఫీల్డ్ ప్రాపర్టీస్ సీఈఓ ఫరూక్ సయ్యద్ తెలిపారు. పాత ఒకే యాజమాన్యంలోని హోటళ్లు, ఇతర ఆస్తుల పునరాభివృద్ధికి గణనీయమైన అవకాశాలు వెలువడతాయని ఆయన పేర్కొన్నారు.  రెండు పొరుగు ప్రాంతాలలో ఆస్తి విలువలు సుమారు 50 శాతం పెరుగుతాయని అంచనా వేస్తున్నారు. ఉదాహరణకు.. అల్ వాస్ల్ జిల్లాలోని విల్లాలు ఫ్రీహోల్డ్‌గా మారినప్పటి నుండి చ.అ.కు  Dh4,500కి పైగా ధరలు పెరిగాయని అమయా & కో రియల్ ఎస్టేట్ సీఈఓ అలోయిస్ కుగేంద్రన్ అన్నారు.   కోల్డ్‌వెల్ బ్యాంకర్ మేనేజింగ్ డైరెక్టర్ ఐమన్ యూసఫ్ మాట్లాడుతూ.. ఫ్రీహోల్డ్ సదుపాయం బిల్డింగ్ ఓనర్‌లకు, ప్రత్యేకించి పెద్ద బిల్ట్-అప్ ఏరియాలతో ప్రాపర్టీలను నిర్వహించే వారికి ప్రయోజనకరమైన ఎగ్జిట్ వ్యూహాన్ని అమలు చేస్తామన్నారు  రెసిడెన్షియల్, కమర్షియల్ ప్రాపర్టీ యజమానులు ఇద్దరూ ప్రయోజనం పొందుతారని, అయితే రెసిడెన్షియల్ ప్రాపర్టీ యజమానులు చాలా ముఖ్యమైన ప్రయోజనాలను చూసే అవకాశం ఉందని ఆయన పేర్కొన్నారు.