రియాద్: కార్మికులకు మెరుగైన పని వాతావరణాన్ని పెంపొందించడానికి, హక్కులను పరిరక్షించడానికి ఇటీవల అమల్లోకి వచ్చిన గృహ కార్మికులు, వారి స్థానంలో ఉన్న వారి కోసం అప్డేట్ చేసిన రెగ్యులేషన్ నిబంధనలకు అందరూ కట్టుబడి ఉండాలని మానవ వనరులు, సామాజిక అభివృద్ధి మంత్రిత్వ శాఖ (MHRSD) స్పష్టం చేసింది. వివాదాలను తగ్గించడానికి,  ఉద్యోగ స్థిరత్వాన్ని పెంపొందించే విధంగా యజమానులు -గృహ కార్మికుల మధ్య ఒప్పంద సంబంధాన్ని నియంత్రించడానికి ఈ నియంత్రణలు దోహదంచేస్తాయని తెలిపింది.  డొమెస్టిక్ వర్కర్ పని గంటలు, విశ్రాంతి సమయాలను నిర్ణయించడం ద్వారా కాంట్రాక్టు సంబంధాలపై మరిన్ని వివరణలు అప్డేట్ చేసినట్టు మంత్రిత్వ శాఖ పేర్కొంది.  అయితే నియంత్రణలో పేర్కొన్న నిబంధనలను ఉల్లంఘించినప్పుడు వర్తించే జరిమానాల గురించి సైతం వివరణలు ఉన్నాయని వెల్లడించింది.