కువైట్: కింగ్ అబ్దుల్ అజీజ్ బిన్ అబ్దుల్‌రహ్మాన్ రోడ్ (ఫహాహీల్ ఎక్స్‌ప్రెస్‌వే)లో ఫహాహీల్ దిశలో ఉండే మూడు లేన్‌లు నిర్వహణ, అభివృద్ధి పనులలో భాగంగా మూసివేయనున్నారు. ఇది ఐదవ రింగ్ రోడ్ ఎగువ నుండి బయాన్, రుమైతియా ప్రాంతాల సర్కిల్ వరకు ఉంటుందని తెలిపారు. మార్చి 2 వరకు మూసివేత ఉంటుందని అంతర్గత వ్యవహారాల మంత్రిత్వ శాఖ ఒక ప్రకటనలో పేర్కొంది. డ్రైవర్లు జాగ్రత్తగా వహించాలని, ట్రాఫిక్ సూచనలను అనుసరించాలని , మూసివేత సమయంలో రద్దీని నివారించడానికి ప్రత్యామ్నాయ మార్గాలను ఉపయోగించాలని పిలుపునిచ్చారు.