మక్కా: సౌదీ రెడ్ క్రెసెంట్ అథారిటీ మక్కాలోని గ్రాండ్ మసీదులో ఆకస్మిక గుండెపోటు కేసులకు వెంటనే ప్రతిస్పందించేందుకు చర్యలు చేపట్టింది. ఇందులో భాగంగా గ్రాండ్ మసీదులోని 15 కంటే ఎక్కువ ప్రదేశాలలో ఆటోమేటెడ్ ఎక్స్‌టర్నల్ డీఫిబ్రిలేటర్లు (AEDలు) లను ఏర్పాటు చేశారు. 

AED అనేది పోర్టబుల్ పరికరం. ఇది గుండెకు విద్యుత్ ఛార్జ్ లేదా కరెంట్‌ను అందజేస్తుంది. దీని ద్వారా గుండె అకస్మాత్తుగా పనిచేయడం ఆగిపోయిన వ్యక్తికి చికిత్స చేయడానికి ఉపయోగించబడుతుంది. గుండెపోటు వచ్చిన సందర్భాలలో సాధారణ పల్స్‌ను పునరుద్ధరించే స్థిరమైన కరెంట్ ద్వారా హృదయ స్పందనను నియంత్రించడానికి AEDలను ఉపయోగిస్తారు.

ఈ పరికరాలు రెడ్ క్రెసెంట్ బృందాల నుండి లేదా గ్రాండ్ మసీదుకు శిక్షణ పొందిన సందర్శకుల నుండి, అంబులెన్స్ బృందాలు రాకముందే కార్డియోపల్మోనరీ షాకింగ్ ద్వారా త్వరగా సీపీఆర్ చేసి పేషంట్ ను కాపాడటం లక్ష్యంగా పెట్టుకుంది. ఈ పరికరాలను ఉపయోగించడంలో వేగం ఆకస్మిక గుండెపోటుతో బాధపడుతున్న రోగులను రక్షించే అవకాశాలను పెంచుతుందని శాస్త్రీయ అధ్యయనాలు నిర్ధారించాయి. రెడ్ క్రెసెంట్ అత్యవసర వైద్య సేవల నిపుణుడు సతమ్ అల్-ఖురాషి మాట్లాడుతూ.. ఈ చొరవ గ్రాండ్ మసీదులో ప్రథమ చికిత్స సంస్కృతిని వ్యాప్తి చేయడానికి, అత్యవసర పరిస్థితుల్లో గ్రాండ్ మసీదులోని సందర్శకులు , కార్మికులు వెంటనే జోక్యం చేసుకోవడానికి వీలు కల్పించే శిక్షణా కార్యక్రమాలను పూర్తి చేస్తుందని అన్నారు.

గ్రాండ్ మసీదులో అత్యవసర వైద్య సంరక్షణ నాణ్యతను మెరుగుపరచడానికి అన్ని మానవ , సాంకేతిక సామర్థ్యాలను ఉపయోగించుకోవాలనే సౌదీ రెడ్ క్రెసెంట్ ఆసక్తిని ప్రతిబింబిస్తాయని పేర్కొన్నారు. ఇక్కడ ప్రాణాలను రక్షించడంలో ప్రతిస్పందన వేగం చాలా కీలకం అని తెలిపారు. గ్రాండ్ మసీదులోని వైద్య, అంబులెన్స్ సేవలు, మసీదుకు వచ్చే సందర్శకుల భద్రత, సౌకర్యాన్ని నిర్ధారించడానికి, ఏదైనా ఆరోగ్య అత్యవసర పరిస్థితిని ఎదుర్కోవడం ద్వారా అవసరమైన వారికి వెంటనే ప్రాథమిక చికిత్స అందించేందుకు వీలవుతుందని వివరించారు.