మస్కట్: షురా కౌన్సిల్ డిజిటల్ ఎకానమీ ఫైల్ స్టడీ టీమ్..ఒమన్ డిజిటల్ ఎకానమీ పర్యావరణ వ్యవస్థలో పాల్గొన్న అనేక మంది స్టార్టప్ యజమానులతో సమావేశమైంది. ఈ కీలక రంగం ఎదుర్కొంటున్న ప్రధాన సవాళ్లను పరిష్కరించడం, డిజిటల్ మార్పునకు మద్దతు ఇవ్వడానికి ఆచరణీయమైన పరిష్కారాలను అన్వేషించడం ఈ సమావేశం లక్ష్యమని తెలిపారు. డిజిటల్ మార్పునకు ఆటంకం కలిగించే అడ్డంకులపై సమావేశంలో చర్చలు ఫోకస్ చేశాయి.  

విదేశీ పెట్టుబడులకు వ్యతిరేకంగా మార్కెట్ పోటీతత్వాన్ని పెంచుతూ స్థానిక పెట్టుబడిదారులను రక్షించే సహాయక చట్టపరమైన వాతావరణాన్ని సృష్టించడంలో అవసరమైన కీలక అంశాలపై సమీక్షించారు. స్థిరమైన వ్యవస్థాపక పర్యావరణ వ్యవస్థను పెంపొందించడానికి ప్రభుత్వ,  ప్రైవేట్ రంగాల మధ్య బలమైన సంబంధాలకు పలు సూచనలు చేశారు.  స్టార్టప్‌లకు ఫైనాన్సింగ్‌ను సులభతరం చేయడం, అవి వృద్ధిని కొనసాగించడానికి, నూతన ఆవిష్కరణలకు సరైన అవకాశాళను కల్పించడంపై వారు దృష్టి సారించారు. అంతేకాకుండా, స్థానిక ప్రాంతీయ మార్కెట్లలోకి విస్తరించడానికి వ్యూహాలను పరిశీలించారు. మార్కెట్ లోకి ప్రవేశించే క్రమంలో వచ్చే కార్యాచరణ సవాళ్లను సమీక్షించారు. షురా కౌన్సిల్‌లోని డిజిటల్ ఎకానమీ ఫైల్ స్టడీ టీమ్ హెడ్ అబ్దుల్లా అల్-వలీద్ అల్-హినాయ్ అధ్యక్షత ఈ సమావేశం జరిగింది.