యూఏఈ: యూఏఈ తన హై-ప్రెసిషన్ అబ్జర్వేషనల్ ఉపగ్రహం ఎతిహాద్-శాట్‌ను అంతరిక్షంలోకి విజయవంతంగా ప్రయోగించింది. స్పేస్‌ఎక్స్ ఫాల్కన్ 9 రాకెట్ ద్వారా దీనిని ప్రయోగించారు. గత మూడు నెలల్లో ప్రయోగించిన ఇది రెండవ ఉపగ్రహ ప్రయోగం కావడం గమనార్హం.

దుబాయ్‌లోని మొహమ్మద్ బిన్ రషీద్ స్పేస్ సెంటర్‌లోని శాస్త్రవేత్తలు, కాలిఫోర్నియాలోని వాండెన్‌బర్గ్ స్పేస్ ఫోర్స్ బేస్ నుండి ప్రయోగించిన మొట్టమొదటి సింథటిక్ ఎపర్చర్ రాడార్ (SAR) ఉపగ్రహంగా ఇది గుర్తింపు పొందింది.  

ఈ SAT ప్రత్యేకత
Etihad-SAT అనేది 24/7 ఇమేజింగ్ ఉపగ్రహం. వాతావరణ పరిస్థితులను విజయవంతంగా విశ్లేషిస్తుంది. ప్రకృతి వైపరీత్యాల నష్టాలను తగ్గించేందుకు దోహదం చేస్తుంది. నావికులు సముద్రాలలో నావిగేట్ చేయడానికి, వ్యవసాయ రంగానికి మద్దతు ఇవ్వడానికి సహాయపడుతుందని నిపుణులు తెలిపారు. 220 కిలోల ఉపగ్రహం 500 కి.మీ ఎత్తులో, 'తక్కువ భూమి కక్ష్య'లో పనిచేయనుంది. అధిక రిజల్యూషన్ చిత్రాలను రూపొందించడానికి ఏఐ సహాయంతో ప్రాసెస్ చేసే సామర్థ్యంతో దీనిని నిర్మించారు.