గోస
- July 29, 2016ఎగిలివారంగనే కల
ఎందుకొచ్చెనో గిట్ల
గుడిశె మీది బీరపువ్వు వాడిపోయినట్టు
నీ సిగలోని మల్లెపువ్వు జారిపడ్డట్టు
వాకిట్ల
ఆటల్ల పాటల్ల
సప్పుడే లేనట్టు
బడి తలుపులు మూతబడ్డట్టు
దేవుడు దూరమైనట్టు
దయ్యాలు దగ్గరైనట్టు
ఊరు సిన్నబోయినట్టు
ఎడ్లు బెంగటిల్లినట్టు
కచ్రాల చక్రాలు
విరిగి పడ్డట్టు
కల్లంల పిడుగు
ఉరిమి పడ్డట్టు
చాటలో వరిగింజ
మొలకెత్తినట్టు
పొయ్యిలో కొర్రాయి
చిగురించినట్టు
ఆవులు మేకలు
కటికోనికిచ్చినట్టు
ఇసిరెను గుడిశెను
అంగట్ల పెట్టినట్టు
పోశెమ్మ మైసమ్మ
మర్సిపోయినట్టు
ఎల్లవ్వ దుర్గవ్వ
అలిగి వెళ్లినట్టు
ఎగిలివారంగనే కల
ఎందుకొచ్చెనో గిట్ల
కొమిరెల్లి మల్లన్నకు
పట్నాలు వెయ్యనందుకో
ఎములాడ రాజన్నకు
కోడెను కట్టనందుకో
ఇగురం యాడ పోయెనో మనది
ఎగిలివారంగనే కల
ఎందుకొచ్చెనో గిట్ల
గుడిశె మీది బీరపువ్వు వాడిపోయినట్టు
నీ సిగలోని మల్లెపువ్వు జారిపడ్డట్టు
పారువెల్ల
తాజా వార్తలు
- అబుదాబి పోలీసుల అలెర్ట్..అలా చేస్తే 1,000 దిర్హామ్ ఫైన్
- ఈద్ వేడుకల్లో అపశృతి.. 38 మందికి గాయాలు
- పాలస్తీనా శరణార్థులకు యుఎన్ఆర్డబ్ల్యుఎ మద్దతు
- తుఫాను ప్రభావిత ప్రాంత నివాసితులకు శుభవార్త..!
- NRIలకు IFSCA పెట్టుబడి అవకాశాలపై సెమినార్
- ఖతార్ సరిహద్దులో భారీగా ఆయుధాలు స్వాధీనం
- సోషల్ మీడియాలో విమర్శలు.. ఉపాధ్యాయుడికి జరిమానా
- 30 ఎయిర్బస్ విమానాలు ఆర్డర్ చేసిన ఇండిగో
- JEE మెయిన్ రిజల్ట్స్ విడుదల..
- రేపు హైదారాబాద్ లో ఉపరాష్ట్రపతి పర్యటన..