నువ్వు ఇంకేదైనా మరిచిపోయావా..!
- August 05, 2016ఎందుకొచ్చావో తెలియకనే వస్తావు
మన్నుకు మిన్నుకు చుట్టానివైతావు
నిప్పుతో నీళ్ళతో అటాడుకుంటావు
గాలిలో ధూళిలో తడిసి పోతుంటావు
అడుగులు మార్చుకున్న గాలిని
మాటలు నేర్పుతున్న మట్టినీ
లెక్కకు రాని చుక్కలని
లెక్కే లేని దూరాలనీ
పారే చూపులతో తడిపేసి పోతావు
నువ్వు పిలవకున్నా
నీతో నడిచిన నెలవంక
నువ్వు అడగకున్నా
నీకోసం కురిసిన మేఘం
అప్పుడప్పుడూ ముఖం దాచుకుంటే దిగులు పడతావు
అబద్ధాన్ని బ్రతికించేందుకో
నిజాన్ని దాచేందుకో
కొన్ని ఉదయాలు ఉదయిస్తుంటాయనీ
ఇంకొన్ని సాయంత్రాలు అస్తమిస్తుంటాయనీ
నిన్నా మొన్నటిదాకా నీదనుకున్న ప్రపంచం
నీకెప్పుడూ చెప్పనప్పుడు
గుండె పగిలిన పత్తి గింజవైతావు
దూదిలా నవ్వుకుంటావు
పారువెల్ల
తాజా వార్తలు
- దుబాయ్ కి పంపుతానని చెప్పి ఘరానా మోసం చేసిన ఏజెంట్
- ఏపీలో ఎన్నికల హింస పై 13 మందితో సిట్ ఏర్పాటు..
- అమ్మ ఆదర్శ పాఠశాల, వరి ధాన్యం కొనుగోళ్ల పై కీలక ఆదేశాలు జారీ
- ఖతార్లోని మ్యూజియమ్స్.. ఫ్రీ ఎంట్రీ
- చెక్స్ బౌన్స్. పరిహారంగా BD64,000
- 'అబ్షర్' ద్వారా యాక్సిడెంట్ రిపోర్టింగ్, వెహికల్ బదిలీ
- ఒమన్లో కొన్ని బ్యాంకు నోట్లు త్వరలోఉపసంహరణ..!
- ఆన్లైన్లో వస్తువులను విక్రయిస్తున్నారా? పోలీసుల హెచ్చరిక
- 1,300 కంపెనీలకు Dh100,000 జరిమానా..!
- IIT ఢిల్లీ–అబుధాబి.. ప్రవేశాలకు నోటిఫికేషన్ విడుదల