ప్రణయం
- October 22, 20161
చల్లని పున్నమిలా
తొంగి చూస్తున్నావు
వెచ్చని వెన్నెలవై
అలుముకుంటున్నావు
ఒక్కొక్క అడుగు
మలిపేసుకుంటూ వెళ్లి
మాటలు కలుపుకున్నచోట
గుండెలు కలుసుకున్న చోట
మళ్ళీ మళ్ళీ తడిసిపోతున్నాము
దూరమెంత నడిచినా
నెలవంకలా తోడొస్తుంటది నీ తలపు
కాలమెంత కరిగినా
వలపెందుకో వీడదు మనసు
2
వెన్నెల మాసిపోకుండా
మల్లెలు వాడిపోకుండా
వయసు ముడేసుకున్న మొహం ఆరిపోకుండా
అడుగులు వీడిపోకుండా
ఆశలు వీగిపోకుండా
నులివెచ్చని దాహంలా
చిలిపి కోరిక ఒకటి చల్లారి పోకుండా
అంతా వింతగా
మళ్ళీ కొత్తగా
ప్రణయం ఎందుకు పిలిచిందో
ముసి ముసి నవ్వులతో
తారలెందుకు మెరిసాయో బిడియంగా
మట్టిలో ఇంకిన వాన చుక్కలా
గాలితో కలిసి వీచిన గంధంలా
పూవులో ఒదిగివున్న తేనె బొట్టులా
మధువులో దాగున్న తెలియని మైకంలా
ఒకరిలో ఇంకొకరం ఒంపుకున్నాక
చెరో సగం మనమయినా
ఒక్కటిగా పారుతున్న ప్రణయం కాదంటావా
--పారువెల్ల
తాజా వార్తలు
- ఇరాన్ అధ్యక్షుడు రైసీహెలికాప్టర్ ప్రమాదంలో మృతి..!
- యూఏఈ ప్రయాణ వ్యాక్సిన్లు: అవసరమైన జాబ్లు, ఖర్చులు
- మళ్లీ టెన్షన్ పెడుతోన్న కరోనా.. సింగపూర్లో వ్యాపిస్తోన్న మహమ్మారి
- భారత్ లో రేపు ఐదో దశ పోలింగ్.. పోటీలో ప్రముఖ నేతలు
- సర్వత్రా ఉత్కంఠ..ఇరాన్ అధ్యక్షుడు రైసీ ప్రయాణిస్తున్న హెలికాప్టర్ పర్వతాల్లో క్రాష్..
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం