బ్రెసిలియా: బ్రెజిల్‌లో బహుళ అంతస్తుల భవనంలో ఘోర అగ్నిప్రమాదం చోటుచేసుకుంది. ఈ ప్రమాదంలో ఆ కట్టడం కుప్పకూలగా కొందరు ప్రాణాలు కోల్పోయినట్టు తెలుస్తోంది. షావుకోలోని ఓ నగరంలోని ఆకాశహార్మ్యంలో ఒక్కసారిగా మంటలు చెలరేగాయి. కొద్దిసేపటికే తీవ్రరూపం దాల్చిన మంటలను అదుపు చేసేందుకు అగ్నిమాపక సిబ్బంది ప్రయత్నిస్తుండగా భవనం మొత్తం కుప్పకూలింది. అధికారులు అదనపు సిబ్బందిని మోహరించి సహాయక చర్యలను వేగవంతం చేశారు. ప్రమాదానికి గురైన భవనం ఒకప్పుడు బ్రెజిల్‌ పోలీసు శాఖ ప్రధాన కార్యాలయం. చాలాకాలంగా ఖాళీగా ఉన్న ఆ భవనంలో కొందరు అక్రమంగా నివాసముంటున్నారు. ప్రమాదం జరిగిన సమయంలో భవనంలో ఎంతమంది ఉన్నారు వారి పరిస్థితి ఏమిటన్న దానిపై స్పష్టత రావాల్సి ఉందని అధికారులు తెలిపారు.