నాలో నేను
- February 26, 2016
నాకు చాలా సంతోషంగా ఉంది
నా దేశాన్ని గురించి ఎందరో
దేశ భక్తి గీతాలు పాడారు
రాజ్యాంగాన్ని రచించి
అందరూ సమానమని
ఎలుగెత్తి చాటారు
భిన్నత్వంలో ఏకత్వమని
సందేశాన్ని పంచారు
నిండా ఇరవై కూడా లేని నాకు
నా దేశం ఇంకోలా కనిపిస్తోంది
ప్రతి దేశానికీ ఒక భాష ఉంది
నా దేశానికి అమ్మ భాష లేకుండా పోయింది
ప్రతి దేశానికీ ఒక మతముంది
నా దేశానికి ఏ మతమూ లేకుండా పోయింది
పైపెచ్చు ఆ మతం పేరిట
మారణ హోమం జరుగుతోంది
ఉగ్రవాదులకు ఈ మతమే
ఇప్పుడు వజ్రాయుధంలా మారింది
ఒక్క మతంలో కూడా
అనేకానేక కులాలు
ఆ కులాలలో ఎన్నో ఎన్నెన్నో శాఖలు
కులం పేరిట రిజర్వేషన్లు
ఆ రిజర్వేషన్ల పేరున కుమ్ములాటలు
దోపిడీలు దహనాలూ
హత్యాకాండలూ కుతంత్రాలూ
చదువు ఖరీదయిపోయింది
చదివాక డిగ్రీకి కూడా విలువ లేకుండాపోయింది
డబ్బుకున్న విలువ
మనిషికి లేదు
ఆ డబ్బు ఎలా వచ్చినా మనకక్కర్లేదు
డబ్బు మనిషినే కాదు
ప్రపంచాన్ని కూడా శాసిస్తోంది
ప్రజాస్వామ్యం ఇక్కడ ఖూనీ అయింది
అయినా భావి భారత పౌరుడిగా
నేను జబ్బలు చరుచుకుంటాను
కాగితాల మీద నా దేశం
చాలా గొప్పది
అందుకే నాకు సంతోషం
ఇలాంటి సంస్కృతికి
నేను వారసుడిగా నిలబడినందుకు
---- డా|| మాదిరాజు రామలింగేశ్వర రావు
తాజా వార్తలు
- మళ్లీ టెన్షన్ పెడుతోన్న కరోనా.. సింగపూర్లో వ్యాపిస్తోన్న మహమ్మారి
- భారత్ లో రేపు ఐదో దశ పోలింగ్.. పోటీలో ప్రముఖ నేతలు
- సర్వత్రా ఉత్కంఠ..ఇరాన్ అధ్యక్షుడు రైసీ ప్రయాణిస్తున్న హెలికాప్టర్ పర్వతాల్లో క్రాష్..
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం
- మహిళలు,వృద్ధుల సాధికారతకు ఒమన్ కృషి
- ఖతార్ ప్రెసిషన్ హెల్త్ ఇన్స్టిట్యూట్ కొత్త రికార్డు