ఓ తండ్రి యాదిలో
- June 19, 2016ఎండిన డొక్కలతో నీ పోరాటం
నీ కష్టం నీ చెమట ధారలతో
మాకు బ్రతుకు ద్వారాలు
తెరిచావు,
మాకంటు ఓ అస్థిత్వపు
రూపునిచ్చావు
అలిగిన వేళలో బుజాన ఎత్తుకుని
నీకు తోచిన కథ చెప్పి నవ్వించావు
ఏడ్చి మారాం చేసే నన్ను దండించే
తల్లికి, ఆ క్షణాన శతృవయ్యి నువ్వు
ఎప్పుడూ నాకు కొండంత అండవయ్యవు
గడ్డి పెట్టి ప్రేమగా నిమిరావో
నువ్వు వాటిని అదిలించి
లాలించావో,
అవి నిన్ను తన వాడిగా భావించి
పంట పండించి కుటుంబానికి
తిండి పెట్టి కాలం చేసాక,
నువ్వు ఏడ్చిన తీరు, నువ్వు పెట్టిన
కన్నీళ్ళతో జీవాల మీద నీ దయా గుణాన్ని
నేర్పావు
ఎవరిని నొప్పించని మౌన బాషతో నువ్వు
మాకు మనుషులతో ప్రేమగా మసులుకునే
తత్వం బోధించావు
తగని రోగంతో మంచాన పడి
అయ్యో కొడుకులకు..భారమై
ఖర్చు పెట్టిస్తున్నానే అని మధన పడి
నీ నిస్వార్థ ప్రేమని త్యాగాన్నొసగి
ఆజన్మాంతం మా గుండె గదిలో
నీ స్తానాన్ని ఏర్పరుచుకొని ..
వెళ్ళిపోయావు బౌతికంగా
'ఓ తండ్రి' నీకిదే నా ప్రణామ్.
--జయరెడ్డి బోడ (అబుధాబి)
తాజా వార్తలు
- ఇంటర్ పాసైన విద్యార్థులకు అలర్ట్.. దోస్త్ నోటిఫికేషన్ విడుదల
- ఇజ్రాయెల్-హమాస్ యుద్ధానికి వ్యతిరేకంగా నిరసనలు..
- శంషాబాద్ విమానాశ్రయం వద్ద బోనులో చిక్కిన చిరుత
- హైదరాబాద్ లోని OYO హోటల్ లో భారీ అగ్ని ప్రమాదం
- యూఏఈ వ్యాప్తంగా కురుస్తున్న వర్షాలు..అలెర్ట్ జారీ
- యూఏఈ అధ్యక్షుడికి సంతాపాన్ని తెలిపిన సుల్తాన్
- కువైట్ వెదర్ రిపోర్ట్.. వీకెండ్ లి మిశ్రమ వాతావరణం
- నాన్-అయోనైజింగ్ రేడియేషన్ స్థాయిలను తెలిపే ప్లాట్ఫారమ్ ప్రారంభం
- దుబాయ్లో కలరా కేసులు నమోదుపై అధికారుల క్లారిటీ
- హజ్ 2024..నుసుక్ యాత్రికుల కార్డు ఆవిష్కరణ