ప్రయాణికుడు అస్వస్థతకు గురికావడంతో సౌదీ అరేబియా వెళ్లాల్సిన విమానం అత్యవసరంగా ల్యాండైంది. ఈ సంఘటన సోమవారం సాయంత్రం చోటు చేసుకుంది. హైదరాబాద్ కు చెందిన ఓ ప్రయాణికుడు విమానం టేకాఫ్ తీసుకున్న తర్వాత అస్వస్థతకు గురికావడంతో ఏటీసీ అనుమతితో వెంటనే విమానాన్ని ల్యాండింగ్ చేశారు. విమానాశ్రయంలోని అపోలో అస్పత్రిలో చికిత్స పొందిన ప్రయాణికుడు మంగళవారం సాయంత్ర డిశ్చార్జి అయినట్లు సమాచారం. ఆలస్యంగా బయలుదేరిన ఎయిర్ ఇండియా విమానం.. మంగళవారం సాయంత్రం ఐదు గంటలకు శంషాబాద్ విమానాశ్రయం నుంచి బెంగళూరు బయలుదేరాల్సిన ఎయిర్ ఇండియా విమానంలో సాంకేతిక సమస్య తలెత్తడంతో ఆలస్యంగా బయలుదేరింది. మరమ్మతుల అనంతరం రాత్రి 8.30 గంటలకు విమానం ఇక్కడి నుంచి టేకాఫ్ తీసుకుంది.