ఓ వైపు రంజాన్, మరోవైపు బోనాల సీజన్, ఇంకోవైపు ఉగ్ర కదలికలు ఇదీ ప్రస్తుతం భాగ్యనగరంలో వాతావరణం. రెండు వర్గాల ప్రజలు ప్రశాంతంగా పండుగను జరుపుకోడానికి సిద్ధమయ్యారు. అయితే హైదరాబాద్‌లో ఎన్‌ఐఏ తనిఖీల నేపథ్యంలో ఎప్పుడేం జరుగుతుందోనని జనం భయపడుతున్నారు. ఇటువంటి పరిస్థితుల్లో ఎలాంటి అవాంఛనీయ ఘటనలు జరగకుండా పోలీసులు గట్టి చర్యలు తీసుకున్నారు. నగరంలోని మసీదులు, దర్గాలు, దేవాలయాల వద్ద భారీ బందోబస్తును ఏర్పాటు చేశారు.