కార్తీ, అదితిరావ్‌ హైదరి జంటగా మణిరత్నం దర్శకత్వంలో రూపుదిద్దుకుంటున్న 'కాట్రు వెలియిదై' చిత్ర ఫస్ట్‌లుక్‌ గురువారం విడుదలైంది. ఈ చిత్రాన్ని తెలుగు, తమిళం, మలయాళ భాషల్లో రూపొందిస్తున్నారు. కథానాయకి అదితిరావ్‌ ట్విట్టర్‌ ఖాతా ద్వారా ఈ పోస్టర్‌ను అభిమానులతో పంచుకున్నారు. అందరి ఆశీస్సులు కావాలని కోరుతూ రంజాన్‌ శుభాకాంక్షలు తెలిపారు. ఈ చిత్రం కోసం తమిళం నేర్చుకుంటున్నట్లు అదితిరావ్‌ ట్వీట్‌ చేశారు. ఆస్కార్‌ అవార్డు గ్రహీత ఎ.ఆర్‌. రెహమాన్‌ ఈ చిత్రానికి సంగీతం సమకూరుస్తున్నారు. రవివర్మ సినిమాటోగ్రఫీ అందిస్తున్నారు. అదితిరావ్‌ 'శ్రీరంగం' చిత్రంతో తమిళంలో తెరంగేట్రం చేశారు.