మనామా: గత సంవత్సరం 470,000 కంటే ఎక్కువ ట్రాఫిక్ నేరాలు నమోదయ్యాయి. జరిమానాల చెల్లింపునకు సంబంధించి ప్రకటించిన డిస్కౌంట్ల సమయాన్ని పొడిగించాలన్న ప్రతిపాదనను షురా తాజాగా తిరస్కరించింది. ఫిబ్రవరిలో ఎంపీలు ఆమోదించిన ముసాయిదా సవరణ, ప్రస్తుత ఏడు రోజుల విండోను 30 రోజులకు పొడిగించి ఉండేది. దీని వలన నేరస్థులు కనీస జరిమానాలో సగం చెల్లించి కోర్టు కేసులను తప్పించుకోవచ్చు. చిన్న కేసులను వేగంగా పరిష్కరించడానికి, కోర్టులపై ఒత్తిడిని తగ్గించడానికి సహాయపడుతుందని పార్లమెంటులో ఈ ప్రతిపాదనకు మద్దతుదారులు వాదించారు.

అయితే, న్యాయశాఖ మంత్రి నవాఫ్ అల్ మావ్దా ప్రస్తుత వ్యవస్థను సమర్థించారు. దీని ప్రకారం డ్రైవర్లు ఏడు రోజుల్లోపు సెటిల్ చేస్తే కనీస జరిమానాలో సగం, ఎనిమిది రోజుల నుండి 30 రోజుల మధ్య పూర్తి కనీస జరిమానా, కేసు పబ్లిక్ ప్రాసిక్యూషన్‌కు చేరితే గరిష్ట జరిమానాలో కనీసం పావు వంతు చెల్లించే అవకాశం కల్పించారు.  కాగా, కౌన్సిల్ రెండవ డిప్యూటీ చైర్‌వుమన్ డాక్టర్ జెహాద్ అల్ ఫదేల్ ఈ ప్రతిపాదన తప్పుదారి పట్టిస్తుందని ఆందోళన వ్యక్తం చేశారు. "మీరు కాలక్రమాన్ని పొడిగిస్తే, మొత్తం వ్యవస్థను అది బలహీనపరిచే ప్రమాదం ఉంది." అని తేల్చిచెప్పారు.