యూఏఈ: ఆబుదాబి పోలీసులు శనివారం హెచ్చ‌రిక జారీ చేశారు.  వాహనదారులు డ్రైవింగ్ చేస్తున్నప్పుడు తమ ఫోన్‌లను ఉపయోగించవద్దని హెచ్చరించారు. కొన్ని క్షణాల పరధ్యానం కూడా పెద్ద ప్రమాదానికి కారణమవుతుందని అధికార యంత్రాంగం తెలిపింది. త‌న‌ సోషల్ మీడియా ప్లాట్‌ఫామ్‌లలో దీనికి సంబంధించిన ఓ వీడియోను షేర్ చేసింది. అందులో ఫోన్ మాట్లాడుతూ డ్రైవింగ్ చేస్తు ప‌లు కార్లను ఢీకొన్న రెండు సంఘటనలను చూపించారు.
మొదటి సంఘటనలో, ఒక కారు వేగంగా వెళ్లి త‌న ముందు కాను ఢీకొన‌గా, అది వెళ్లి దాని ముందున్న కారును బ‌లంగా ఢీకొట్టింది.   మరొక సంఘటనలో, ఒక కారు ఒక ప్రధాన రహదారిపై మరొక కారును ఢీకొట్టింది. ప్రమాదానికి కారణమైన వ్యక్తి రోడ్డుపై జారిపడ్డాడు. దాంతో ఆ రోడ్డులో ట్రాఫిక్ జామ్ అయింది.  
వాహనదారులు సురక్షితంగా డ్రైవ్ చేయాలని. రహదారి భద్రతా నియమాలను పాటించాల‌ని పోలీసులు ఈ సంద‌ర్భంగా సూచించారు.   యూఏఈలో ఇది తీవ్రమైన నేర‌మ‌ని, దీనికి 800 దిర్హంల వ‌ర‌కు ఫైన్ ప‌డుతుంద‌ని హెచ్చ‌రించింది.