ఏపీ సీఎం చంద్రబాబు గన్నవరం ఎయిర్‌పోర్టు నుంచి ఢిల్లీ బయల్దేరి వెళ్లారు. 11 గంటలకు ఢిల్లీ నుంచి రష్యాకు ప్రయాణం కానున్నారు. శనివారం మధ్యాహ్నం కజకిస్థాన్‌లోని అల్మాటీ నగరంలో జరిగే ద్వైపాక్షిక సమావేశాల్లో చంద్రబాబు బృందం పాల్గొననుంది. అనంతరం కజకిస్థాన్‌ రక్షణ మంత్రి ఇమాంగలి తస్మగంబెవ్‌తో భేటీ కానున్నారు. ఏపీలో పెట్టుబడులు ఆకర్షించే లక్ష్యంగా చంద్రబాబు విదేశీ పర్యటనకు వెళ్లారు. పలు కంపెనీల సీఈవోలు, పారిశ్రామికవేత్తలతో చంద్రబాబు సమావేశం కానున్నారు. ఇంటర్నేషనల్ బిజినెస్‌ ఎగ్జిబిషన్‌ ఇన్నోప్రోమ్ ప్రారంభ వేడుకల్లో చంద్రబాబు పాల్గొంటారు. సోమవారం రష్యా-భారత్‌ బిజినెస్‌ ఫోరం నిర్వహించే సదస్సుకు సీఎం హాజరుకానున్నారు