అందంగా  అల్లుకుపోయే సహజత్వం                                                                                    అలుపెరగని అంతేలేని అనురాగం 

అన్ని వేళలా స్పందించే సున్నిత సుగుణం 
అన్నింటిని సహించే ఔన్నత్యం 
అపురూపమైన వెలకట్టలేని కావ్యం....

ప్రేమకు ప్రతిరూపము మమతకు మణిహారం
కలతలే ఎరుగని మాధుర్యం 

తనలోకమంటు ఏది లేదు
తన కలలు తనని కన్నవారిని వదలి 
తనవారి కోసమే పరితపిస్తూ
తన సౌఖ్యం మరచి ప్రేమని అందిస్తూ 
తన కనుపాపే రక్షణ కవచంలా భావిస్తూ....

తన ఊపిరిని అందిస్తూ 
తన మదిలోని బాధలని మోస్తూ 
తన అడుగులో అడుగువేయమని చేయూత నిస్తూ
తన బిడ్డకి కష్టం రాకూడదని తలబడుతూ.....

తన పిల్లల మనస్తత్వాన్ని అంచనావేస్తూ 
తన సంతోషమైన వినోదమైన వారేనని 
తడబాటులని సరిదిద్దే అమృత తత్వం 
తాను పస్తులుండి పిల్లల‌ ఆకలి తీర్చేది ....

తనని మరిచే త్యాగాలకి నిలువెత్తు నిదర్శనం 
తన పంచప్రాణాలని నిరంతరం గమనించే 
 మూర్తీభవించిన వ్యక్తిత్వం వెలుగుని చూపే
దివ్యత్వం మహిలోనే సాటిలేరు మరెవ్వరూ ఆమెకి..
తానే కల్పవల్లి......

--యామిని కోళ్ళూరు ✍️