న్యూఢిల్లీ: భారత కాలమానం ప్రకారం సాయంత్రం 5 గంటలకు న్యూఢిల్లీలోని ఇందిరా గాంధీ అంతర్జాతీయ విమానాశ్రయం నుండి బయలుదేరాల్సిన దుబాయ్ వెళ్లే ఎయిర్ ఇండియా విమానం 2205 సాంకేతిక సమస్యలు ఎదుర్కొంది. దీని ఫలితంగా ఢిల్లీ విమానాశ్రయంలో రెండు గంటలు ఆలస్యం అయింది. ఫలితంగా, విమానంలో ఉన్న ప్రయాణికులు 90 నిమిషాలకు పైగా విద్యుత్ సరఫరా లేకుండా కూర్చోవాల్సి వచ్చింది. ప్రయాణికుల ఫిర్యాదులతో ఎట్టకేలకు స్పందించిన అధికారులు,  సమస్యను పరిష్కరించడానికి సాంకేతిక బృందాన్ని పిలిపించారు. అయినప్పటికీ, రెండు గంటల పాటు విమానంలో కూర్చున్న ప్రయాణీకులు ఉక్కబోతతో నరకం చూశారు.  ఫ్లైట్ సిబ్బంది ప్రవర్తన కూడా సరిగ్గా లేదని పలువురు తమ సోషల్ మీడియాలో పోస్టుల్లో ఫైరయ్యారు.