అంఖారా: టర్కిష్ రెస్క్యూ బృందాలు ఈశాన్య నగరమైన ట్రాబ్జోన్‌లో సౌదీ బాలుడు ఫైసల్ రాంజీ అల్-షేక్ మృతదేహాన్ని గుర్తించాయి. ఆరు రోజులక్రితం అతను తన తండ్రితో కలిసి నది ఒడ్డున ఆడుకుంటుండగా నదిలో పడిపోయాడు. ఫైసల్ మృతదేహాన్ని దాదాపు 2.3 కిలోమీటర్ల దూరంలో గుర్తించారు.  టర్కీలోని సౌదీ రాయబార కార్యాలయం చిన్నారి మృతదేహాన్ని రికవరీని ధృవీకరించింది. అవసరమైన అన్ని విధానాలను పూర్తి చేయడానికి స్థానిక అధికారులు, బాలుడి కుటుంబంతో నిరంతర టచ్ లో ఉన్నట్లు పేర్కొంది.

చిన్నారి అదృశ్యం వార్త సోషల్ మీడియాలో వైరల్ అయింది. సౌదీ పౌరులు భారీ ఎత్తున స్పందించారు. వీరిలో చాలామంది స్థానిక నివాసితులు, నిపుణులు సహాయక చర్యలలో సహాయం చేయాలని కోరుతున్నారు.