కువైట్: ముబారక్ అల్-కబీర్ శాఖకు చెందిన స్పెషల్ టీమ్ సబా అల్-సలేం ప్రాంతంలో స్థానికంగా ఉత్పత్తి చేసిన  181 బ్యారెళ్ల మద్యంను జప్తు చేసినట్లు కువైట్ మునిసిపాలిటీ ప్రకటించింది. అంతర్గత వ్యవహారాల మంత్రిత్వ శాఖ భద్రతా సిబ్బందితో సమన్వయంతో నిర్వహించిన ఈ ఆపరేషన్‌లో మద్యం తయారీ ప్రక్రియలో ఉపయోగించే పదార్థాలు, పరికరాలను కూడా స్వాధీనం చేసుకున్నారు. అక్రమ డిస్టిలరీని నిర్వహిస్తున్నట్లు గుర్తించిన అనేక మంది నేపాల్ కార్మికులను అధికారులు అరెస్టు చేశారు. ఉల్లంఘించిన వారిపై చట్టపరమైన చర్యలు తీసుకుంటున్నట్లు మునిసిపాలిటీ ప్రకటించింది.