హైదరాబాద్‌: తెలంగాణ రాష్ట్ర బీజేపీ అధ్యక్ష పదవి కోసం అధికారిక నోటిఫికేషన్ విడుదలైంది. పార్టీకి చెందిన అధికార వర్గాలు సోమవారం (జూన్ 30) నామినేషన్ దాఖలు ప్రక్రియను ప్రారంభించనున్నట్లు వెల్లడించాయి. ఎన్నిక ప్రక్రియ ప్రకారం, జూలై 1న రాష్ట్ర బీజేపీ అధ్యక్షుడిని ఎన్నుకోనున్నారు.

ఇప్పటికే పదవి కోసం ఆసక్తి చూపుతున్న అభ్యర్థులు తమ నామినేషన్లను రేపు సమర్పించాల్సి ఉంటుంది. పార్టీ శ్రేణుల్లో ఈ ఎన్నికపై ఆసక్తికర వాతావరణం నెలకొంది. కొంతమంది నేతల పేర్లు పరిశీలనలో ఉన్నప్పటికీ, అధికారికంగా ఎవరు బరిలో దిగుతున్నారనే దానిపై ఉత్కంఠ కొనసాగుతోంది.