రియాద్: సౌదీ అరేబియాకు  A+ క్రెడిట్ రేటింగ్ ను అంతర్జాతీయ రేటింగ్ ఏజెన్సీ ఫిచ్ ఇచ్చింది. ఇది సౌదీ బలమైన ఆర్థిక స్థితి, నిరంతర సంస్కరణ వేగాన్ని హైలైట్ చేస్తుంది.  కీలక ఆర్థిక సూచికల మెరుగైన పనితీరు కారణంగా ఈ స్థిరమైన రేటింగ్ ను అందజేసినట్లు తన తాజా నివేదిలో ఫిచ్ వెల్లడించింది.

ప్రభుత్వ రంగ డిపాజిట్లు, ఇతర ఆస్తుల రూపంలో సౌదీ అరేబియా గణనీయమైన ఆర్థిక నిల్వలను కలిగి ఉందని, దాని స్థూల ఆర్థిక స్థిరత్వానికి మద్దతు ఇస్తుందని ఫిచ్ తెలిపింది.  భవిష్యత్తులో సౌదీ అరేబియా నికర విదేశీ ఆస్తులు దాని క్రెడిట్ బలానికి మూలస్తంభంగా ఉంటాయని, 2027 నాటికి GDPలో 35.3%కి చేరుకుంటాయని ఏజెన్సీ అంచనా వేసింది.

ఈ సంఖ్య "A" రేటింగ్ పొందిన దేశాల సగటు కంటే చాలా ఎక్కువగా ఉంది.  ఇది GDPలో కేవలం 3.1% మాత్రమే. చమురు ఆదాయాలపై ఆధారపడటాన్ని తగ్గించడం లక్ష్యంగా సౌదీ ప్రభుత్వం చేపట్టిన కొనసాగుతున్న ఆర్థిక సంస్కరణలను కూడా ఫిచ్ ప్రస్తావించింది. చమురుయేతర ఆదాయాలలో నిరంతర పెరుగుదలతో పాటు ఈ సంస్కరణలు సౌదీ క్రెడిట్ ప్రొఫైల్‌ను బలోపేతం చేస్తూనే ఉంటుదని ఫిచ్ తెలిపింది.