మినిస్ట్రీ ఆఫ్‌ హ్యమన్‌ రిసోర్సెస్‌ అండ్‌ ఎమిరటైజేషన్‌ వివరాల ప్రకారం 99.8 శాతం కంపెనీలు మిడ్‌ డే బ్రేక్‌ రూల్‌ని నిబంధనలకు అనుగుణంగా పాటించినట్లు తెలుస్తుంది. 29,185 కంపెనీలు జులై మధ్యంతరం నాటికి పూర్తిగా ఈ మిడ్‌ డే బ్రేక్‌ని పాటించాయనీ, 47 సంస్థలు మాత్రం ఆ రూల్‌ని అతిక్రమించాయని పేర్కొంది మినిస్ట్రీ. 29,232 తనిఖీల్ని మొత్తం 18 టీమ్‌లు ఈ కాలంలో నిర్వహించాయి. మిడ్‌ డే బ్రేక్‌ రూల్‌ని పాటించిన సంస్థలను మినిస్ట్రీ అభినందించింది. అలాగే రూల్‌ని అతిక్రమించిన సంస్థలకు ఒక్కో వర్కర్‌కిగాను 5,000 దిర్హామ్‌ల ఫైన్‌ విధించింది. ఈ ఫైన్‌ 50,000 దిర్హామ్‌ల వరకు ఉంటుంది. రోజువారీ పనిదినాలు 8 గంటలకు మించి ఉండకూడదనీ, ఓవర్‌టైమ్‌ అలవెన్స్‌లను కార్మికులకు తప్పనిసరిగా చెల్లించాలని అధికారులు చెప్పారు. బ్యాన్‌ చేసిన సమయాల్లో కార్మికులు ఎట్టి పరిస్థితుల్లోనూ పనిచెయ్యకూడదని, సంస్థలు ఈ విషయంలో కార్మికులకు సహకరించాలని మినిస్ట్రీ సూచించింది.