దుబాయ్: అమెరికా, యూరప్ నుండి 15 కిలోల అక్రమ మాదకద్రవ్యాలను దిగుమతి చేసుకున్నందుకు దోషిగా నిర్ధారించారు. అతడికి జీవిత ఖైదుతోపాటు దిర్హామ్‌లు 500,000 జరిమానా విధించారు. దుబాయ్ కోర్ట్ ఆఫ్ ఫస్ట్ ఇన్‌స్టాన్స్ జారీ చేసిన తీర్పులో.. జైలు శిక్ష పూర్తయిన వారిని బహిష్కరించానలని సూచిచింది. అలాగే, నిందితుడిపై  రెండేళ్ల పాటు ఇతరులకు ఏ విధమైన ఆర్థిక బదిలీ లేదా చెల్లింపులలో పాల్గొనకుండా నిషేధం విధించింది.

దుబాయ్‌లోని ఒక ప్రధాన కొరియర్ హబ్‌లో అప్రమత్తంగా ఉన్న కస్టమ్స్ ఇన్‌స్పెక్టర్ నిందితుడి చిరునామాకు అనేక అనుమానాస్పద పార్శిళ్లను గమనించినప్పుడు ఈ కేసు బయటపడింది. యునైటెడ్ స్టేట్స్, యూరప్‌లోని అనేక ప్రాంతాల నుండి వచ్చిన ఈ ప్యాకేజీలు అసాధారణంగా భారీగా, పారిశ్రామిక-గ్రేడ్ ప్లాస్టిక్‌తో గట్టిగా మూసివేసినట్లు గుర్తించారు.   

అధికారిక పోలీసు రికార్డుల ప్రకారం.. ఇన్‌స్పెక్టర్ హెచ్చరిక జారీ చేశారు. పార్శిల్‌లను ఫోరెన్సిక్ పరీక్షకు తరలించారు. ప్యాకేజీలలో దుస్తులు, ప్లాస్టిక్ చుట్టడం పొరలలో దాచిపెట్టిన 15 కిలోల మాదకద్రవ్యాల పదార్థాలు ఉన్నాయని ల్యాబ్ విశ్లేషణలో వెల్లడైంది.  దుబాయ్‌లోని ఒక డెలివరీ సెంటర్ నుండి సరుకును సేకరించడానికి ప్రయత్నిస్తున్నప్పుడు నిందితుడిని రెడ్ హ్యాండెడ్‌గా అరెస్టు చేశారు.

ఆ వ్యక్తి విచారణ సమయంలో మొదట్లో ఆరోపణలను తిరస్కరించాడు.  పార్శిళ్లలోని విషయాల గురించి తనకు తెలియదని పేర్కొన్నాడు. అయితే, ప్రాసిక్యూటర్లు నిఘా ఫుటేజ్, ఫోరెన్సిక్ నివేదికలు , సరుకులతో నేరుగా అనుసంధానించే కస్టమ్స్ రికార్డులతో సహా బలమైన ఆధారాలను  కోర్టుకు సమర్పించారు.

కోర్ట్ ఆఫ్ ఫస్ట్ ఇన్‌స్టాన్స్ నిందితుడిపై ఉన్న సాక్ష్యాలు అధికంగా ఉన్నాయని గుర్తించి అతనికి జీవిత ఖైదు విధించింది. నిందితుడు తీర్పును సవాలు చేసిన తర్వాత దుబాయ్ కోర్ట్ ఆఫ్ అప్పీల్ ఈ తీర్పును సమర్థించింది.