తెలంగాణ–ఈశాన్య మహోత్సవం కోసం లోగో, ట్యాగ్‌లైన్, పోస్టర్ డిజైన్‌కు రాజ్‌భవన్ ఆహ్వానం

- August 01, 2025 , by Maagulf

హైదరాబాద్: "తెలంగాణ–ఈశాన్య భారత సాంకేతిక-సాంస్కృతిక మహోత్సవం" కోసం లోగో రూపకల్పన, ట్యాగ్‌లైన్ రచన, పోస్టర్ తయారీకి రాజ్‌భవన్ నుండి ఆహ్వానం.

రాజ్‌ భవన్ తెలంగాణ, రానున్న"తెలంగాణ–ఈశాన్య భారత సాంకేతిక-సాంస్కృతిక మహోత్సవం" సందర్భంగా,వ్యక్తులు, విద్యార్థులు,కళాకారులు,డిజైనర్లు మరియు మాన్య ప్రజానికం నుండి లోగోలు, ట్యాగ్ లైన్లు, పోస్టర్లకు గాను ఈ పోటీని ఏర్పాటుచేస్తుంది.

ఈ మహోత్సవం తెలంగాణ రాష్ట్రం మరియు ఈశాన్య భారతంలోని 8 రాష్ట్రాల (అరుణాచలప్రదేశ్,అస్సాం,మణిపూర్, మేఘాలయ, మిజోరం, నాగాలాండ్, సిక్కిం మరియు త్రిపురా) మధ్య సాంకేతికం మరియు సాంస్కృతిక పరిజ్ఞాన మార్పిడి, ఆర్ధిక సంబంధాల అభివృద్ధి లక్ష్యంగా, 2025 నవంబర్ 25 నుండి 27 వరకు మరియు డిసెంబర్ 2 నుండి 4 వరకు రెండు దశల్లో హైదరాబాద్‌లో నిర్వహించబడుతుంది. ఈ కార్యక్రమానికి పై రాష్ట్రాలకు చెందిన సాంకేతిక మరియు సాంస్కృతిక రంగాల ప్రముఖులు పాల్గొననున్నారు.

పోటీ విభాగాలు:

1. లోగో రూపకల్పన

2. ట్యాగ్‌లైన్ రచన

3. పోస్టర్ రూపకల్పన (A4 లేదా A3 పరిమాణంలో, డిజిటల్ ఫార్మాట్‌లో)

థీమ్ లక్ష్యం:

తెలంగాణ మరియు ఈశాన్య భారత రాష్ట్రాల మధ్య సాంస్కృతిక ఐక్యత, సాంకేతిక ఆవిష్కరణల పరస్పర మార్పిడి భావనలను ప్రతిబింబించేలా ఎంట్రీలు ఉండాలి.

అర్హత:

ఈ పోటీకి భారతదేశ పౌరులు ఎవరైనా పాల్గొనవచ్చు.

సబ్మిషన్ మార్గదర్శకాలు:

లోగో: స్వంతంగా రూపొందించబడిన,ఎడిట్ చేయగలిగే (AI/CDR/PSD), హై-రెసల్యూషన్ లో మరియు PNG ఫార్మాట్‌లో సమర్పించాలి.

ట్యాగ్‌లైన్: ఇంగ్లిష్‌లో, 10 పదాలకు మించకుండా, ప్రభావవంతంగా, ఒరిజినల్ గా ఉండాలి.

పోస్టర్: థీమ్‌కు అనుగుణంగా, ఆకర్షణీయంగా ఉండాలి.PDF లేదా PNG ఫార్మాట్‌లో, కనీసం 300 dpi రిజల్యూషన్‌తో సమర్పించాలి.

ఎలా పంపించాలి:

మీ వివరాలతో కూడిన entries ను ఈ దిగువ మెయిల్‌కు పంపాలి:

Email ID: [email protected]

Subject line: Entry for Logo/Tagline/Poster–[మీ పేరు]

చివరి తేదీ:

• 15 ఆగస్ట్ 2025

ప్రతి ఎంట్రీతో పాటుగా పూర్తి పేరు,వయస్సు,వృత్తి, మొబైల్ నంబర్,ఈమెయిల్, గుర్తింపు లేదా చిరునామా ఆధారాల ఫోటోకాపీ,మరియు మీ డిజైన్/ట్యాగ్‌లైన్/పోస్టర్ వెనక ఉన్న భావనపై 50–100 పదాల వివరణ తప్పనిసరిగా ఇవ్వాలి.

బహుమతులు:

• ఉత్తమ లోగో రూపకల్పన–₹15,000

• ఉత్తమ ట్యాగ్‌లైన్–₹5,000

• ఉత్తమ పోస్టర్ రూపకల్పన–₹20,000

మరిన్ని వివరాలకు: రాజ్‌భవన్ వెబ్‌సైట్‌ http://www.governor.telangana.gov.in ను సందర్శించండి.