సలాలా: ఒమన్ లోని సలాలా విలాయత్ లో ఐదవ ఎడిషన్ ఒమానీ-బహ్రెయిన్ సంయుక్త వస్తు ప్రదర్శన ప్రారంభమైంది. దీనిని ఒమానీ-బహ్రెయిన్ ఫ్రెండ్‌షిప్ అసోసియేషన్, ఒమన్ చాంబర్ ఆఫ్ కామర్స్ అండ్ ఇండస్ట్రీ లు సంయుక్తంగా..  బహ్రెయిన్ లోని ఒమన్ రాయబార కార్యాలయం సహకారంతో నిర్వహిస్తున్నాయి. ఈ ఎగ్జిబిషన్ పది రోజుల పాటు కొనసాగుతుందని నిర్వాహకులు ప్రకటించారు.
ఈ ప్రదర్శనలో హస్తకళలు, కుండలు , సాంప్రదాయ దుస్తులు వంటి స్మాల్ ఇండస్ట్రీలకు చెందిన ఉత్పత్తులు ఉన్నాయి. ఈ ప్రదర్శన ఒమన్ - బహ్రెయిన్ మధ్య ఆర్థిక మరియు సాంస్కృతిక వేదికగా పనిచేస్తుందన్నారు. ఇక ప్రారంభోత్సవ కార్యక్రమంలో ఒమన్ చాంబర్ ఆఫ్ కామర్స్ అండ్ ఇండస్ట్రీ డైరెక్టర్ల బోర్డు ఛైర్మన్ ఫైసల్ అబ్దుల్లా అల్ రోవాస్ తోపాటు అనేక మంది ప్రముఖులు పాల్గొన్నారు.