యూఏఈః యూఏఈలో ఒకవైపు తీవ్రమైన ఎండలు, మరోవైపు భారీ వర్షాలు కురుస్తున్నాయి. తూర్పు ప్రాంతాలలో భారీ వర్షాలకు తోడు వడగండ్ల వానలు పడుతున్నాయి. అదే సమయంలో దక్షిణ ప్రాంతాల్లో అధిక ఉష్ణోగ్రతలు నమోదవుతున్నాయి. తీవ్రమైన వడగాలులతో నివాసితులు ఇబ్బందులు పడుతున్నారు. ఆగస్టు 12వ తేదీ వరకు దేశంలోని కొన్ని ప్రాంతాలలో వర్షాలు కురుస్తాయని నేషనల్ సెంటర్ ఆఫ్ మెటియాలజీ (NCM) అలెర్ట్ జారీ చేసింది.
ఈ సందర్భంగా వర్షాలకు సంబంధించిన వీడియోలు సోషల్ మీడియాలో వైరలవుతున్నాయి. తూర్పు ప్రాంతంలోని షావ్కా, అల్-ముసైలి మరియు ఫాలిలో వడగళ్లు పడ్డాయని తెలిపారు.   అయితే అధిక ఉష్ణోగ్రతలు కొంతకాలం పాటు కొనసాగుతాయని తన అలెర్ట్ లో నేషనల్ సెంటర్ ఆఫ్ మెటియాలజీ తెలిపింది.