రియాద్: సౌదీ అరేబియాలో రాబోయే మూడు నాలుగు రోజులపాటు భారీ వర్షాలు కురిసే అవకాశం ఉంది. ఈ మేరకు అందరూ జాగ్రత్తగా ఉండాలని, వరదలు వచ్చే ప్రాంతాలకు దూరంగా ఉండాలని పౌర రక్షణ శాఖ హెచ్చరికలు జారీ చేసింది.
మక్కా ప్రాంతంలో మోస్తరు నుండి భారీ వర్షాలు కురుస్తాయని, దీనివల్ల ఆకస్మిక వరదలు వచ్చే అవకాశం ఉందన్నారు. మక్కా నగరం, తైఫ్, మైసాన్, అధమ్, అల్-అర్దియత్, అల్-లైత్, అల్-కున్‌ఫుధా, అల్-జుముమ్, అల్-కామిల్, బహ్రా, అల్-మువైహ్, తుర్బా, అల్-ఖుర్మా మరియు రన్యా ప్రాంతాలు తీవ్రంగా ప్రభావితం అవుతాయని వెల్లడించారు.
ఇక జజాన్, అసిర్, అల్-బహా మరియు నజ్రాన్‌లలో కూడా మోస్తరు నుండి భారీ వర్షాలు కురుస్తాయని, రియాద్ , మదీనా ప్రాంతాలలో తేలికపాటి నుండి మోస్తరు వర్షాలు కురుస్తాయని తెలిపింది. మీడియా మరియు సోషల్ మీడియా ఛానెల్‌ల ద్వారా అధికారిక సమాచారాన్ని మాత్రమే ఫాలో కావాలని సివిల్ డిఫెన్స్ ప్రజలను కోరింది.