కువైట్ సిటీ: కువైట్‌లో అక్రమ మద్యం సేవించి జరిగిన విషాదకర మరణాల తర్వాత, దేశవ్యాప్తంగా పోలీసులు విస్తృత స్థాయిలో దాడులు చేపట్టారు.ఈ క్రమంలో 24 గంటలు నిరంతరాయంగా సాగిన ఆపరేషన్‌లో 67 మంది అక్రమ మద్యం తయారీ మరియు విక్రయాలలో పాల్గొన్నవారిని అరెస్టు చేశారు.

దాడుల సందర్భంగా అధికారులు 10 అక్రమ మద్యం కర్మాగారాలను గుర్తించి సీజ్ చేశారు. అరెస్టయిన వారిలో ఎక్కువ మంది బంగ్లాదేశ్, నేపాల్, భారత దేశాలకు చెందిన వారిగా గుర్తించారు.

ఈ ఆపరేషన్‌ను మొదటి ఉప ప్రధాన మంత్రి, అంతర్గత మంత్రి షేక్ ఫహద్ యూసుఫ్ సౌద్ అల్-సబా ప్రత్యక్ష పర్యవేక్షణలో అధికారులు విజయవంతంగా నిర్వహించారు.