తాను తెలంగాణను వదలలేదని ఏపీ ముఖ్యమంత్రి చంద్రబాబు అన్నారు. టీడీపీ తెలంగాణ నేతల భేటీలో ఆయన ఈ వ్యాఖ్యలు చేశారు. వచ్చే ఎన్నికల్లో తెలంగాణలో కూడా టీడీపీ అధికారంలోకి రావాలన్నారు. నాయకుల పనితీరుపై ప్రతినెల నివేదిక తెప్పించుకుంటానని, అంతమాత్రాన ఆంధ్రా నుంచి దిశానిర్దేశం చేసినట్టు భావించొద్దని ఆయన కోరారు. సొంత నిర్ణయాలతో పార్టీని సంస్థాగతంగా బలోపేతం చేయాలని, అంతేకాని ప్రతి దానికి ఏపీతో పోల్చుకోవద్దని టీటీడీపీ నేతలకు చంద్రబాబు దిశానిర్థేశం చేశారు. ఏపీలో సెన్సార్ విధానంతో పథకాల అమలును పరిశీలిస్తున్నామని, మీ పనితీరును అలాగే తెలుసుకుంటానని సరదాగా అన్ననని బాబు చెప్పారు. భేటీ సమయంలోనే టీటీడీపీ నేతలకు విశాఖలో ఎల్ఈడీ బల్బుల సిస్టం పనితీరుపై సెన్సార్ విధానాన్ని ల్యాప్‌ట్యాప్‌లో చూపించారు. అందులో 90 వేల బల్బుల్లో 45 వేలు వెలుగుతున్నాయని కనిపించిందని తెలిపారు.