ఆదిత్యా 369.. భూత, భవిష్యత్, వర్తమాన కాలాలకు చెందిన మూల కథతో తెరకెక్కిన సినిమా. అప్పట్లో బాలయ్యకి బ్లాక్ బస్టర్ హిట్టునిచ్చింది. ఈ సినిమాకి సీక్వెల్ తీసుకురావాలని దర్శకుడు సింగీతం శ్రీనివాసరావు ఎప్పటి నుంచో ట్రై చేస్తున్నాడు. నిజానికి బాలయ్య వందో సినిమా 'ఆదిత్యా 369' తీసుకురానున్నారనే ప్రచారం జరిగింది. ఆ తర్వాత బాలయ్య తనయుడు మోక్షజ్ఝ ఎంట్రీ ఈ సీక్వెల్ ద్వారానే ఉండనుందన్నారు. అయితే, తాజాగా ఆదిత్యా 369 సీక్వెల్ కథ రెడీ అయ్యిందని దర్శకుడు సంగీతం శ్రీనివాస్ తెలిపారు. బాలయ్య ఓకే అంటే సీక్వెల్ పట్టాలెక్కించేందుకు రెడీగా ఉన్నట్టు తెలిపారు. మరి.. బాలయ్య ఏమంటాడో.. ? సీక్వెల్ లో తనే నటిస్తాడా.. ?? లేదా తనయుడు మోక్షజ్ఝని రంగంలోకి దింపుతాడా.. ??? అన్నది చూడాలి.